በመንበረ ጸባዖት ቅድስት ሥላሴ ካቴድራል ለሚጦሩ 15 አረጋወያን ለ2ኛ ጊዜ የምግብ እህል እረዳታ ተሰጠ

   

የዛሬ ሁለት ሣምንት አካባቢ ወጣት ብሩክ አስራት ከአሜሪካን አገር መጥቶ በመንበረ ጸባዖት ቅድስት ሥላሴ ካቴድራል በንግስት ዘውዲቱ መታሰቢያ ቤት ተጠልለው ለሚኖሩ 15 አረጋወያን በአካል ተገኝቶ የአረጋውያኑ የአኗኗር ሁኔታ እንደጎበኘና ለጊዜው የሚስፈልጋቸውን ልዩ ልዩ የአንድ ወር የምግብ አስቤዛ እርዳታ እንዳደረገላቸው መዘገባችን ይታወሳል፡፡

 

 

አሁንም ከአገር ቤት ተመልሶ ወደ አሜሪካ ከሄደ በኋላ ቀደም ሲል ቃል በገባው መሰረት ለሁለተኛ ጊዜ ለአንድ ወር የሚሆን የወር አስቤዛ በወንደሙና በጓደኞቹ አማካኝነት

                   100 ኪሎ ጤፍ፤

                   1 ኩንታል ከሰል፤

                   15 ሌትር ዘይት፤

                   15 ኪሎ ስኳር፤

                   15 ኪሎ በርበሬ፤

                   15 ኪሎ ሽሮ፤

                  5 ኪሎ ጨው፤

                  5 ፓኬት ሻይ ቅጠል፤

                  15 ሰሙና ለአረጋውያኑ እርዳታው እንዲደርሳቸው አድርጓል ፡፡

 

በዚሁ ዕለት በክቡር ሊቀ ሥልጣናት አባ ገ/ሥላሴ በላይ የመንበረ ጸባዖት ቅድስት ሥላሴ ካቴድራል ዋና አስተዳዳሪ አማካኝነት ለወጣት ብሩክ አስራት ቤተሰዎችና ለጓደኞቹ ጸሎትና ምስጋና እንዲሁም ቃለ ምእዳን ተሰጥተዋል ክቡር ሊቀ ሥልጣናት ኣባ ገ/ሥላሴ በላይ እንደገለፁት እንደ እነዚህ የመሰለ አቅመ ደካማ የሆኑ አረጋውያን መርዳትበእግዚአብሔር ዘንድ ወጋው እጅግ በጣም ትልቅ መሆኑን ገልፀው በተለይም በካቴድራሉ ቅፅረ ግቢ በንግስት ዘውዲቱ መታሰቢያ ቤት ተጠልለው የሚኖሩ አረጋውያን 24 ሰዓት እግዚአብሔር ሲለምኑ የመኖሩና እግዚአብሔር በሰዎች ላይ አድሮ የዕለት ጉርስ ከሚሰጥዋቸው ምዕመናን ውጭ ምንም ዓይነት ረዳት እንደሌላቸውና በአንዲት ጠባብ ቤት እስከ 8 የሚሆኑ አረጋውያን እናቶች ተጨናንቀው እንደሚኖሩና የምግብ ችግር ብቻ ሳይሆን የመፀዳጃ፤የማዕድ ቤት፤ የውሀና የንጽህና ችግርም እንዳለባቸው ገልፀዋል፡፡ አያይዘውም እነዚህ አረጋውያን እደሚያቸው ከ75 እስከ 98 ከዚያ በላይ በመሆኑ ራሳቸውን ችለው ምግብ ለማብሰልም ሆነ ለመንቀሳቀስ እንደሚያቅታቸውና ከሚኖሩበት ቤት ለመውጣትም ሆነ ለመግባት እንደሚቸገሩ ገልፀው አረጋውያኑን ልትመግብ፤ ልትንከባከብና ንጽህናቸውን ልትጠብቅ የምትቸል ሰራተኛ እንደሚያሰፈልጋቸው ክቡር ሊቀ ሥልጣናት ገልፀዋል ፡፡በመጨረሻም በወጣት ብሩክ አስራት ለተደረገው ነገር ሁሉ ምስጋናቸው እጅግ የላቀ መሆኑን ገልፀው ሌሎችም የዚሁ የተቀደሰ ዓላማ ተሳታፊ እንዲሆኑ ጥሪያቸውን አስተላልፈዋል፡፡

 

በመንበረ ጸባዖት ቅድስት ሥላሴ ካቴድራል ለሚጦሩ 15 አረጋወያን እረዳታ ተሰጠ

          በመ/ር ዘሩ ብርሃኔ

ለችግረኛና ለምስኪን የሚያስብ ምስጉን ነው፡፡መዝ. 40¸1

እግዚአብሔር በደስታ የሚሰጠውን ይወዳልና እያንዳንዱ በልቡ እንዳሰበ ይስጥ2 ቆሮ. 9¸7

እርዳታውን የሰጠው በአሜሪካን አገር የሚኖረው ኢትዮጵያዊው ወጣት ብሩክ አስራት ነው፡፡ወጣት ብሩክ አስራት አረጋውያኑ የሚኖሩበት የንግስት ዘውዲቱ መታሰቢያ ቤት ተገኝቶ የአረጋውያኑ የአኗኗር ሁኔታ የጎበኘ/የተመለከተ ሲሆን በየሳምነቱ ሰኞ፤ረቡዕና ዓርብ በካቴድራሉ በኩል ለእያንዳንዳቸው 2 እንጀራ እንደሚሰጣቸውና ለዙሁም የተመደበላቸው በጀት 1000 ብር መሆኑን በዲ/ን ዘሩ ብርሃን የካቴድራሉ ም/ሠ/ክ/ኃላፊ አመካኝነት ገለፃ ተደርጓል፡፡

ወጣት ብሩክ አስራት በቀጣይ ቤተሰዎቹና ጓደኞቹን በማስተባበር አቅመ ደካማ የሆኑትን የካቴድራሉ አረጋውያን በተሻለ መልኩ መርዳት እንደሚችል ጠቁሞ ለጊዜው የሚሆን ግን በተሰዎቹ፤ጓደኞቹ፤ዲ/ን ዘሩ ብርሃን የካቴድራሉ ም/ሠ/ክ/ኃላፊ፤ቀሲስ ፀጋዬ ወርቁ የካቴድራሉ ሁለገብ አዳራሽ ክፍል ኃላፊና ቀሲስ መላኩ ጉልላት የካቴድራሉ ሰበካ ጉባዔ አባል በተገኙበት፡-

1. 100 ኪሎ ጤፍ፤

2. 1 ኩንታል ከሰል፤

3. 15 ሌትር ዘይት፤

4. 15 ኪሎ ስኳር፤

5. 15 ኪሎ በርበሬ፤

6. 15 ኪሎ ሽሮ፤

7. 5 ኪሎ ጨው፤

8. 5 ፓኬት ሻይ ቅጠል፤

9. 15 ሰሙና ለአረጋውያኑ እርዳት ሰጥቷል፡፡በመጨረሻም በቀሲስ ፀጋዬ ወርቁ አማካኝነት ለወጣት ብሩክ አስራት ጸሎትና ምስጋና እንዲሁም ቃለ ምእዳን ተሰጥተዋል፡፡

በተያያዘ ዜናም በዲ/ን ይትባረክ ማንያዘዋል አማካኝነት ነዋሪነታቸው በለንደን አገር የሆኑ ወ/ሮ መድኃኒት በለጠ 100 ኪሎ ጤፍ ለካቴድረሉ አረጋወያን አስገዝተው ልከዋል ለወዲፊቱም እንደሚልኩ ቃል ገብተዋል፡፡በስተመጨረሻም የካቴድራሉ አስተዳደር ለተደረገው ነገር ሁሉ ምስጋናው እጅግ የላቀ መሆኑን ገልጾ ሌሎችም የዚሁ የተቀደሰ ዓላማ ተሳታፊ እንዲሆኑ ጥሪውን አስተላልፏል፡፡

 

 

 

በመንበረ ጸባዖት ቅድስት ሥላሴ ካቴድራል የሠራተኞች የአስተዳደርና የቅርስ አያያዝ ስልጠና ተሰጠ

                          በመ/ር ዘሩ ብርሃኔ

መስከረም 18/01/05

  ይህ ስልጠና የተዘጋጀው በካቴድራሉ አስተዳደር ጽ/ቤት አማካኝነት ሲሆን ለዚሁ ስልጠና እንዲሰጡ የተጋበዙ ምሁራን አሰልጣኞች፡-

1ኛ. ዶ/ር አባ ኃለማርያም መለሰ የቅድስት ሥላሴ መንፈሳዊ ኮሌጅ ዲን

2ኛ. መ/ር ዳንኤል ሰይፈ ሚካኤል በኢ/ኦ/ተ/ቤ/ክ/ የቅርሳቅርስና ቤተመዘክር ኃላፊ ሲሆኑ በተቀመጠላቸው መርሃ ግብር መሠረት በተሠጣቸው ርዕስ ስልጠናውን/ትምህርቱን በሚገባ ሰጥተዋል/አስተምረዋል

የአስተዳደርና የቤተ ክርስቲያን አገልገሎት በተመለከተ ስልጠናውን የሰጡት ዶ/ር አባ ኃለማርያም መለሰ ሲሆኑ ለ3 ሰዓታት ያህል ሰፋ ያለ ስልጠና ለካቴድራሉ ካህናትና ልዩ ልዩ ሠራተኞች ሰጥተዋል የካቴድራሉ ሠራተኞችም የተሰጣቸውን ስልጠና አስመልክተው በሰጡት አስተያየት ካቴድራሉ ዘመኑ የሚፈቅደውን የአስተዳደር ስልጠና መስጠቱ ወቅታዊና ተገቢ መሆኑን ጠቁመው ለተደረገላቸው ነገር ሁሉ የካቴድራሉ አስተዳደርና አሠልጣኙ ዶ/ር አባ ኃለማርያምን ከልብ አመስግነዋል በቀጣይም ስልጠናው በየደረጃው መቀጠልና መጠናከር እንዳለበት አስተያየተቸውን ሠጥተዋል ከዶ/ር አባ ኃለማርያም ቀጥሎ ስለ ቅርስ ምንነትና አያያዝ በተመለከተ ስልጠናውን የሰጡት መ/ር ዳንኤል ሰይፈሚካኤል ሲሆኑ ስለ ቅርስ ምንነትና አያያዝ በተመለከተ ሰፋያለ ጊዜ ወስደው ስልጠናውን ሠጥተዋል በተለይም ለኢትዮጵያ መኩሪያ የሆነው ይህ ካቴድራል በኢትዮጵያ ደረጃ በቅርስና በታሪክ ባለቤትነቱ ደረጃውን እንደጠበቀ ሲሆን አሁንም እነደቀድሞው ሁሉ ታሪክ በማስመዝገብ ላይ መሆኑን ገልፀዋል በመጨረሻም ይህ የኢትዮጵያ መኩሪያ የሆነውን ካቴድራል ሁላችንም በሚገባ መያዝና ምከባከብ ይኖርብናል በማለት ስልጠናውን አጠናቀዋል በቀጣይም ካቴድራሉ በሚጠይቀው /በሚፈልገው መልኩ ስለ ቅርስ አያያዝ በተመለከተ ስልጠና ለመስጠት ዝግጁ እንደሆኑም ለካቴድራሉ ሠራተኞች ገልፀዋል፡፡

 

የመንበረ ጸባዖት ቅድስት ሥላሴ ካቴድራል ሠራተኞች ስልጠናውን ሲካፈሉ በከፊል የሚያሳይ ፎቶ ግራፍ

 


የጠ/ሚ መለስ ዜናዊ ሥርዓተ ቀብር በቅድስት ሥላሴ ካቴድራል ተፈፀመ

 

ነሐሴ 27ቀን 2004 .

በመ/ር ዘሩ ብርሃኔ

የጠቅላይ ሚኒስትር መለስ ዜናዊ የቀብር ስነስርዓት በቅድስት ሥላሴ ካቴድራል ነሐሴ 27 ቀን 2004 . ከቀኑ 10 ሰዓት ተፈጽሟል፡፡

የጠቅላይ ሚኒስትሩን የቀብር ስነ ስርዓት በተመለከተ ከንጋቱ 11 ሰዓት በታለቁ ቤተ መንግስት ፁዓን አበው ሊቃነ ጳጳሳት፣ከፍተኛ የመንግሥት ባለሥልጣናት፣የአዲስ አበባ ሃገረ ስብከት ስራአስከያጅ፣6 የአድባራትና ገዳማት አስተዳዳሪዎችና የመንበረ ጸባዖት ቅድስት ሥላሴ ካቴድራል ካህናት ጋር በህብረት ሙሉ ፀሎተ ፍትሐት አድርሰዋል በአጠቃላይ የኢትዮጵያ ኦርቶዶክስ ተዋህዶ ቤ/ክ ከ15/2004 ዓ.ም መሐራ እግዚኦ ለነፍሰ መራሔ መንግሥት ገ/ማርያም፤ አቤቱ የመራሔ መንግሥታችን የገብረ ማርያምን ነፍስ ማር” በማለት ጸሎትዋን አድርሳለች በማድረስ ላይም ትገኛለች፡፡በተለይም በ26/2004 ለ27 አጥቢያ በመንበረ ጸባዖት ቅድስት ሥላሴ ካቴድራል ከ600 በላይ የሚሆኑ የአዲስ አበባ ካህናትና መዘምራን በህብረት ከምሽቱ 2 ሰዓት ጀምሮ ሙሉ ሌሊቱን ፀሎተ ፍትሐት ሲያደርሱ አድረዋል፡፡

በታላቁ ቤተ መንግስት ምክትል ጠቅላይ ሚኒስትርና የውጭ ጉዳይ ሚኒስትር ኃይለማርያም ደሳለኝ፣ የህዝብ ተወካዮች /ቤት አፈ ጉባኤ አባዱላ ገመዳ፣ የክልል ርዕሰ መስተዳድሮች፣ ሚኒስትሮች፣ ከፍተኛ ባለስልጣናት፣ አምባሳደሮች፣ የሃይማኖት አባቶች፣ የመከላከያና የፖሊስ አባላት፣ ቤተሰቦቻቸውን ጨምሮ በርካታ ሰዎች ተገኝተዋል፡፡

በመስቀል አደባባይም 25 በላይ የሀገራት መሪዎችና ርዕሳነ ብሔራት እንዲሁም በርካታ የአህጉራዊና አለም አቀፍ ተቋማት ተወካዮች፣ የመከላከያና ፌደራል ፖሊስ ሰራዊት፣ የመንግስት ሰራተኞችና እንግዶች አስከሬኑን ለመቀበል በስፍራው ተገኝተዋል፡፡  

ክብርት ባለቤታቸው ቀዳማዊት እመቤት ወ/ሮ አዜብ መስፍን እንዳሉት መለስን ከልጅነቱ ጀምሮ ነው የማወቀው፡፡ ዱሮም ጀምሮ ህልሙ የነበረው በኢትዮጵያ ፍትህ፣ ሰላምና እድገትን ማስመዝገብ ነበር፡፡ ሁሌም ያልም የነበረው ድህነትን ስለመታገል ነበር፡፡ ጊዜውን ሁሉ ይሰጥ የነበረው ህልሙን ለማሳካት ነበር፡፡ ልጆቼም የሚፈልገውን ጊዜ አልነፈጉትም፡፡ መለስ ለፍትህ፣ ለሰላምና ለፍቅር የቆመ ነበር፡፡ ይህንንም የኢትዮጵያ ህዝብ በማረጋገጡ በጣም አመሰግናለሁ ፡፡

እኔም ከኢትዮጵያ ህዝብ ጎን ሆኜ እሱ የጀመራቸውን የልማት ተግባራት ለማስቀጠል የበኩሌን አስተዋፅኦ አበረክታለሁ ብለዋል፡፡

8 ሰዓት 25 ደቂቃ ላይ የጠቅላይ ሚኒስትሩ አስከሬን ቅድስት ሥላሴ ካቴድራል የደረሰ ሲሆን፡፡ በቅድስት ሥላሴ ካቴድራልም ለ30 ደቂቃ ያህል ደውል የተደወለ ሲሆን አስከሬኑም ከሰረገላው ወርዶ ወደተዘጋጀለት ልዩ የፀሎት ቦታ አርፏል፡፡ በካቴድራሉ ካህናትና መዘምራንም ስርዓተ ፀሎት ተካሂዷል፡፡

 

9 ሰዓት 10 ደቂቃ ላይ የፀሎት ስነ ስርዓት እንደተፈፀመ አስከሬኑ ቤተ ክርስቲያኑን በቀኝ በመዞር 9 ሰዓት 25 ደቂቃ ላይ የጠቅላይ ሚኒስትሩ አስከሬን ወደተዘጋጀለት የቀብር ቦታ ያረፈ ሲሆን፤የጠቅላይ ሚኒስትሩ የቀብር ስነ ስርዓት መጠናቀቁን በማስመልከት 21 ግዜ መድፍ ተተኩሷል፡፡

የጠቅላይ ሚኒስትር መለስ ዜናዊ አጭር የህይወት ታሪክ

 

 

 

 

ጠቅላይ ሚኒስትር መለስ ዜናዊ ግንቦት 1 ቀን 1947 . ነው በትግራይ አድዋ ከተማ ከአባታቸው ከአቶ ዜናዊ አስረስ እና ከእናታቸው ወይዘሮ አለምነሽ ገብረልዑል የተወለዱት፡፡

ለቤተሰባቸው ሶስተኛ ልጅ የሆኑት አቶ መለስ የመጀመሪያ ደረጃ ትምህርታቸውን በአድዋ ንግስተ ሳባ ትምህርት ቤት የሁለተኛ ደረጃ ትምህርታቸውን ደግሞ ባሳዩት ከፍተኛ የትምህርት ብልጫ ከመላው ሀገሪቱ ከተመረጡ ተማሪዎች መካከል አንዱ በመሆን በአዲስ አበባ ጄነራል ዊንጌት ትምህርት ቤት ተከታትለዋል፡፡

1965 የአዲስ አበባ ዩኒቨርስቲን በመቀላቀል ለሁለት አመታት በህክምና ፋካሊቲ ትምህርታቸውን ሲከታተሉ ቢቆዩም በወቅቱ የነበረውን ብሄራዊ ጭቆናን ለመታገል ህዝባዊ ወያነ ሃርነት ትግራይን በመቀላቀል በርሃ ገቡ፡፡

አቶ መለስ 1967 የተመሰረተው ህወሃትን ከተቀላቀሉ አንስቶ ከታጋይነት እስከ አመራርነት ለህዝቦች እኩልነትና ለኢትዮጵያ ጉስቁልናና ድህነት መወገድ ሲታገሉና ሲያታግሉ ቆይተዋል፡፡

በህዝቦች መሪር ትግልና መስዋዕትነት ደረግ መወገዱን ተከትሎ አቶ መለሰ ዜናዊ በፕሬዚዳንትነት የመሩት የኢትዮጵያ የሽግግር መንግስት ሁሉንም የፖለቲካ ሃይሎች ያሳተፈ መንግስት ለመመስረት የላቀ አስተዋፅኦ አድርጓል፡፡

አቶ መለስ ዜናዊ የሚመሩት የኢትዮጵያ ህዝቦች አብዮታዊ ዴሞክራሲያዊ ግንባር ኢህአዴግ ኢትዮጵያ ላለፉት 21 አመታት በሰላም፣ በልማትና በዴሞክራሲ እድገት እንድትጓዝ ጠንካራ አመራር ሰጥቷል፡፡

የኢትዮጵያን ህዝቦች ነባራዊ ሁኔታና የለም አቀፉን እንቅስቃሴ ያጤኑ ጠንካራ የልማት ፖሊሲዎችና ስትራተጂዎችን በመቅረፅና ስራ ላይ በማዋል ጠቅላይ ሚኒስትር መለስ ዜናዊ የሚመሩት የኢፌዴሪ መንግስት ኢትዮጵያ በልማት እንድትጓዝ አድርጓል፡፡

የህዝቦች ኑሮ ለዘመናት ከነበረበት ጉስቁልና ተነስቶ በብሩህና በህዳሴ ጎዳና መራመድ የጀመረውም በዚሁ ወቅት ነው፡፡

ጠቅላይ ሚኒስትር መለስ ኢትዮጵያ በአፍሪካ አጀንዳዎች ላይ የመሪነት ሚና እንድትወጣ የኢትዮጵያና የአፍሪካ ድምፅ በአለም መድረኮች እንዲያስተጋባ ያደረጉት አስተዋፅኦ የላቀ ነበር፡፡

ባለፉት 21 አመታት የተመዘገቡ ተጨባጭ የሰላም የልማትና የዲሞክራሲ ውጤቶች እንዲጠናከሩና ኢትዮጵያ ወደ ከፍታ ማማ እንድትወጣ በመላ ኢትዮጵያውያን የታየውን ፅኑ ፍላጎት እውን ለማድረግ በጠቅላይ ሚኒስትር መለስ ዜናዊ ሃሳብ አፍላቂነት ይፋ የሆነው የእድገትና የትራንስፎርሜሽን እቅድ የኢትዮጵያን ህዳሴ በማረጋገጥ ላለፉት ሁለት አመታት ስኬት አስመዝግቧል፡፡

ጠቅላይ ሚኒስትር መለስ ዜናዊ ከትግል አጋራቸው ወይዘሮ አዜብ መስፍን ጋር በትዳር 25 አመታት በላይ ተጣምረዋል፡፡ በትዳራቸውም ሶስት ልጆች አፍርተዋል፡፡

ጠቅላይ ሚኒስትር መለስ ዜናዊ ባደረባቸው ሕመም በውጭ አገር ሕክምና ሲከታተሉ ከቆዩ በኋላ ሰኞ ነሃሴ 14 ቀን 2004 .. 57 ዓመታቸው ከዚህ ዓለም በሞት መለየታቸው ይታወቃል፡፡

የብፁዕ ወቅዱስ ዶክተር አቡነ ጳውሎስ ቀዳማዊ ፓትርያርክ አቡነ ጳውሎስ ሥርዓተ ቀብር ተፈጸመ

 

ነሐሴ 17 ቀን 2004 ..

በመ/ር ዘሩ ብርሃኔ

የብፁዕ ወቅዱስ ዶክተር አቡነ ጳውሎስ ቀዳማዊ፣ ፓትርያርክ ርእሰ ሊቃነ ጳጳሳት ዘኢትዮጵያ፣ሊቀ ጳጳስ ዘአክሱም ወእጨጌ ዘመንበረ ተክለሃይማኖት፣ የዓለም አብያተ ክርስቲያናት ምክር ቤት ፕሬዝደንት፣ የዓለም ሃይማኖቶች ለሰላም የክብር ፕሬዝዳንት ሥርዓተ ቀብራቸው ነሐሴ 17 ቀን 2004 . እኩለ ቀን ላይ በመንበረ ጸባዖት ቅድስት ሥላሴ ካቴድራል ብፁዓን አበው ሊቃነ ጳጳሳት፣ከፍተኛ የመንግሥት ባለሥልጣናት፣ ከአኀት አብያተ ክርስቲያናትና ከሌሎችም የተወከሉ የእምነት አባቶች በሺዎች የሚቆጠሩ ምእመናን በተገኙበት በታላቅ ስነ ስርዓት ተፈጽሟል፡፡

    

የቅዱስነታቸው አስክሬን (ነሐሴ 16 ቀን 2004.) ብፁዓን ሊቃነ ጳጳሳት፣ በካህናት ፣በሰንበት ትምህርት ቤቶች ዘማሪያን ፣በፖሊስ ሠራዊት ኦርኬስትራ ማርሽ ባንድና በምእመናን ታጅቦ ከመንበረ ፓትርያርክ ቅድስተ ቅዱሳን ማርያም ገዳም ወደ መንበረ ጸባዖት ቅድስት ሥላሴ ካቴድራል ከተወሰደ በኋላ በዚሁ ቤተ ክርስቲያን ጸሎተ ፍትሐትና ማኅሌት ሲደርስ አድሯል፡፡ ንጋት ላይ ጸሎተ ቅዳሴው ከተከናወነ በኋላ ከግብፅ፣ከሶርያ፣ ከሕንድና ከአርመን ኦርቶዶክስ ተዋሕዶ አኀት አብያተ ክርስቲያናት የተወከሉ አባቶች በየቋንቋቸው ጸሎት አድርሰዋል፡፡

             

የግብፅ ኦርቶዶክስ ቤተክርስትያን ተወካይ በበኩላቸው ዓለማችን ብዙ አስቸጋሪ ሁኔታዎች ሲያጋጥማት ቀድመው የሚደርሱ እውነተኛ አባት ነበሩ። የእሳቸው ህልፈተ ህይወት ለኢትዮጵያውያን ብቻ ሳይሆን ለመላው የኦርቶዶክስ ክርስትያን አማኞች በሙሉ አስደንጋጭ ዜና ነው። አቡነ ጳውሎስ ለዓለም ሰላም በጣም አስፈላጊ ሰው ነበሩ በማለት ገልጸዋቸዋል፡፡

 

በሥርዓተ ቀብሩ ላይ የኢ... ፕሬዝደንት  የተከበሩ አቶ ግርማ ወልደ ጊዮርጊስ የላኩትን የሐዘን መግለጫ በተወካያቸው አቶ አሰፋ ከሲቶ አማካኝነት የቀረበ ሲሆን፡-ብፁዕ ወቅዱስ አቡነ ጳውሎስ ለመላው ሰብዓዊ ፍጡር ትልቅ አክብሮት ያላቸውና በህዝቦች መካከል መልካም ጉርብትና እንዲኖር የሰሩ ብልህና መንፈሳዊ መሪ ናቸው። የአገሪቱ ህዝቦችና አፍሪካውያን ሰብዓዊ ቀውስ ሲያጋጥማቸው ፈጥነው የሚደርሱና ለህዝቦች ሰላም ሳይታክቱ የሰሩ አባት እንደነበሩ ተናግረዋል። እኚህ አባት በሰሩት ስራ ዓለም የማይረሳቸው እንደሆኑ የጠቀሱት ፕሬዚዳንቱ ለመላው የኦርቶዶክስ ክርስትያንና ቤተሰቦቻቸው መፅናናትን እንደሚመኙ መልዕክት አስተላልፈዋል ፡፡

በተመሳሳይ በስርዓተ ቀብሩ ላይ የተገኙት የኢትዮጵያ ፌዴራላዊ ዴሞክራሲያዊ ሪፖብሊክ ጊዜያዊ ጠቅላይ ሚኒስትር አቶ ኃይለማርያም ደሳለኝ እንደተናገሩት ቅዱስነታቸው ባለፉት 20 ዓመታት መንግሥት የጀመረውን የልማት ጉዞ ለማሳካት ያለሰለሰ ጥረት ያደረጉ ታላቅ አባት ነበሩ።  በተለይ የኢትዮጵያ ኦርቶዶክስ ተዋህዶ ቤተክርስትያን አገሪቱ በነደፈችው የልማት ስራ ላይ ተሳትፎ እንዲኖራት ከፍተኛ ጥረት በማድረግ ለልማቱ ያላቸውን ቁርጠኝነት ያሳዩ አባት ነበሩ ብለዋል። በሌላ በኩል በውጭ የሚገኙ የአገሪቱ ቅርሶች ወደ አገራቸው እንዲመለሱ በማድረግ ረገድና በአገር ውስጥ ያሉ ቅርሶችም በአዓለም ቅርስነት እንዲመዘገቡ ሰዎችን በማስተባበር ከፍተኛ ስራ መስራታቸውን ጠቅላይ ሚኒስትሩ ተናግረዋል። ተተኪ የቤተክርስትያን አባቶችም የእሳቸውን ፈለግ በመከተል በመንግሥት የልማት ስራዎች ላይ በመሳተፍ አገሪቱን ከድህነት ለማውጣት በሚደረገው የልማት ጥረት የበኩላቸውን እንዲወጡ መልዕክታቸውን አስተላልፈዋል፡፡

እንዲሁም የአዲስ አበባ ከንቲባ ኩማ ደመቅሳ በበኩላቸው ብፁዕ ወቅዱስ አቡነ ጳውሎስ በአገሪቱ የኃይማኖት መቻቻል እንዲጎለብት ትልቅ ጥረት ያደሩጉ ታላቅ መንፈሳዊ መሪ እንደነበሩ አመልክተው በሞታቸው የተሰማቸውን ጥልቅ ኀዘን በከተማዋ ነዋሪዎች ስም ገልጸዋል። በተለይ የአክራሪነትን ጎጂ ባህል በማስተማርና የትምህርት ዕድል በአገሪቱ እንዲስፋፍ የበኩላቸውን የተወጡ ትልቅ አባት እንደነበሩ ጠቁመዋል፡፡ በአገሪቱ ጧሪና ቀባሪ ያጡትን በመደገፍና በጤናው መሰክ ኤች.አይ../ኤድስ በመከላከል ረገድ ያሳዩት ተግባር በተምሳሌት የሚጠቀስ መሆኑን ተናግረዋል፡፡

በቀብር ስነ ስርዓቱ ላይ የዓለም አብያተ ክርስትያናት ተወካይ ባስተላለፉት መልዕክት እኚህ አባት በአገራት መካከል የሚከሰቱ አለመግባባቶችን በማብረድና ሰብዓዊ ቀውስ ያጋጠማቸውን ሀገራት በመደገፍና በማፅናናት ከፍተኛ ስራ የሰሩ ናቸው። በተለይ ሱዳን ውስጥ የነበረውን ችግር ለመፍታት ከባለ ድርሻ አካላት ጋር በመተባበር ይሰጡት የነበረው ጠቃሚ አስተያየት ዓለም የሚረሳው አለመሆኑን ገልፀዋል።

ብፁዕ ወቅዱስ ዶክተር አቡነ ጳውሎስ ቀዳማዊ የኢትዮጵያ ፓትርያርክ ጥቅምት 25 ቀን 1928 .. በቀድሞው አጠራር በትግራይ ክፍለ ሀገር በአድዋ አውራጃ በእንዳ አባ ገሪማ ገዳም አካባቢ ከአባታቸው ከአፈ መምህር ገብረ ዮሐንስ ወልደ ሥላሴና ከእናታቸው ከወይዘሮ አራደች ተድላ ተወለዱ ሲሆን፡፡ ከስድስት ዓመታት ዕድሜ ጀምሮ እስከ ዕውቀት ድረስ የኢትዮጵያ ኦርቶዶክስ ተዋሕዶ ቤተ ክርስቲያን መንፈሳዊ ትምህርትን ሥርዓተ ቤተ ክርስቲያንንና የአበው መነኮሳትን ሥርዓት የተከተለ ገዳማዊ ኑሮን በአባ ገሪማ ገዳም እያጠኑ አባቶችን እያገለገሉ እንዳደጉ የህይወት ታሪካቸው ያስረዳል፡፡

ሥርዓተ ቀብሩን በመምራት ያስፈጸሙት የኢትዮጵያ ኦርቶዶክስ ተዋሕዶ ቤተ ክርስቲያን አቃቤ መንበርና የአርሲ ሀገረ ስብከት ሊቀ ጳጳስ ብፁዕ አቡነ ናትናኤል   ቃለ ምእዳንና ጸሎተ ቡራኬ ሰጥተዋል ብፁዕነታቸው በዚሁ መልእክታቸው የቅዱስ ፓትርያርኩን ቅድስና አውስተው ለመላው የኢትዮጵያ ኦርቶዶክስ ተዋሕዶ ቤተ ክርስቲያን ምእመናንና ምእመናት መጽናናትን ተመኝተዋል፡፡

banner

በመንበረ ጸባዖት ቅድስት ሥላሴ ካቴድራል ለካቴደራሉ እድሳት የሚሆን የገቢ ማሰባሰቢያ መርሃ ግብር ተካሄደ

በመ/ር ዘሩ ብርሃኔ

bannerቀደም ሲል የዘሁ ዓይነት መርሃ ግብር መጋቢት 10/2004 ዓ.ም ተካሂዶ የነበረ ሲሆን በድጋሚ በሳለፍነው ሳምንት ሰኔ 24/2004 ለሁለተኛ ጊዜ ተካሂዷል በዚሁ ዕለት እነ መሠረት መብራቴን ጨምሮ ታዋቂ አርቲስቶች የተገኙ ሲሆን ዕለቱን አስመልክቶ ያዘጋጁትን መዝሙር፣ ድራማና ግጥም ለታዳሚዎች ምእመናን አቅርበዋል አበረታች የሆነ ውጤትም ተገኝቷል በቀጣይም የዚህ ዓይነት መርሃ ግብር ሊዘጋጅ እንደሚችል የካቴድራሉ አስተዳደር ገልጿል፡፡banner

በሌላ ዜና የካቴድራሉ 1ኛ እና 2ኛ ደረጃ ት/ቤት የተማሪዎች ሰርቲፊኬት ሐምሌ 1/2004 ዓ.ም የካቴድራሉ አስተዳዳሪ ክቡር ሊቀ ስልጣናት አባ ገ/ሥላሴ በላይ በተገኙበት መርሃ ግብሩ ተካሂዷል፡፡ በዚሁ ዕለት ጥሩ ውጤት ላመጡ ተማሪዎችና ከ1ኛ እስከ 3ኛ ለወጡ ተማሪዎች በካቴድራሉ ዋና አስተዳዳሪ ክቡር ሊቀ ስልጣናት አባ ገ/ሥላሴ በላይ ሽልማት ተሰጧቸዋል፡፡

ዓመታዊው የዓጋዓዝተ ዓለም ሥላሴ በዓል በድምቀት ተከበረ

በመ/ር ዘሩ ብርሃኔ

በየዓመቱ ሐምሌ 7 ቀን በኢ/ኦ/ተ/ቤ/ክ የሚከበረው ዓመታዊው  የሥላሴ በዓል በዚህ ዓመትም በመንበረ ጸባዖት ቅድሰት ሥላሴ ካቴድራል ብፁዕ ወቅዱስ አቡነ ጳውሎስ ፓትርያርክ ዘኢትዮጵያ ሊቀ ጳጳስ ዘአኩሱም ወእጨጌ ዘመንበረ ተክለሃይማኖት የዓለም አብያተ ክርስቲያናት ፕሬዚዳንት የዓለም ሃይማኖቶች ለሰላም የክብር ፕሬዚዳንትና ብፁአን ሊቃነ ጳጳሳት እንዲሁም በብዙ ሽህ የሚቆጠሩ ምዕመናን በተገኙበት እጅግ በጣም ደማቅ በሆነ ሁኔታ በዓሉ ተከብሮ ውልዋል፡፡

በዓሉ መከበር የጀመረው ከዋዜማው ከሐምሌ6 ጀምሮ ሲሆን የካቴድራሉ ካህናትና መዘምራን ከዋዜማው ከቀኑ 6 ሰዓት ጀምሮ ለ24 ሰዓታት ያህል ሌሊትና ቀኑን ሙሉ ያለ ማቋረጥ ስብሃተ እግዚአብሔር ሲያቀርቡ ውለው አድረዋል፡፡

ይህመንፈሳዊ አገልግሎት ማለትም ስርዓተማህሌተ፣ ስርዓተቅዳሴ እንዲሁም ሰዓታትና ሰርክ ፀሎት በአጠቃለይ የስርዓተ አምልኮ አፈፃፀም በኢ/ኦ/ተ/ቤ/ክ ልዩ በመሆኑ የእምነቱ ተከታዮች ብቻ ሳይሆን ሌሎችንም እጀግ በጣም የሚስደንቅ በዓል ነው፡፡

በሌላ ዜና የብፁዕ ወቅዱስ ዶ/ር አቡነ ጳውሎስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአኩሱም ወእጨጌ ዘመንበረ ተክለሃይማኖት የዓለም አብያተ ክርስቲያናት ፕሬዚዳንት የዓለም ሃይማኖቶች ለሰላም የክብር ፕሬዚዳንት 20ኛው በዓለ ሲመት ሐመሌ 5/11/04 ዓ.ም በካቴድራሉ በታላቅ ደምቀት ተከብሮ ውልዋል፡፡

 

በበዓሉ ላይ ብፁአን ሊቃነ ጳጳሳት ፣የመንግስት ተወካይ፣ የኦሬንታል ቤ/ክ ተወካዮች፣የአፍሪካ ቤ/ክ ዋናፀሐፊ የአ.አአ ዳባራትና ገዳማት አስተዳዳሪዎችና ፀሐፊዎች ጥሪ የተደረገላቸው እንግዶችና እንዲሁም በብዙሽህ የሚቆጠሩ ምዕመናን በተገኙበት እጅግ በጣም በደመቀ ሁኔታ በዓሉ ተከብሮ ውልዋል፡

የቅድስት ሥላሴ ካቴድራል 1ኛ እና 2ኛ ደረጅ ት/ቤት የክረምትና የ2005ዓ.ም መደበኛ ት/ት ምዝገባ ጀመረ

በመ/ር ዘሩ ብርሃኔ

የቅድስት ሥላሴ ካቴድራል 1ኛ እና 2ኛ ደረጅ ት/ቤት የክረምትና የ2005ዓ.ም መደበኛ ት/ት ምዝገባ ከዚህ ቀጥሎ ባለው መርሃ ግብር/እስከጁል መሠረት መሆኑን የካቴድራሉ ት/ቤት አስተዳደር ገልጿል

የመመዝገቢያ ጊዜ

የክፍል ደረጃ

የተመዝጋቢው ዓይነት

ክፍያ

ት/ት የሚሰጥበት ጊዜ

ለክረምት

ለመደበኛ

 

ለነባርና አዲስ የክረምት  ተማሪዎች

ከሐምሌ 2-7/2004

ኬጂ1-ኬጂ3

ነባር

150

 

ከሓምሌ9-ነሐሴ21/2005

1ኛ-4ኛ

››

120

170

5ኛ-6ኛ

››

140

190

7-8ኛ

››

150

200

9ኛ-10ኛ

››

250

320

11ኛ-12ኛ

››

250

395

 

ለአዲስ ተማሪዎች

ከሐምሌ 2-7/2004

1ኛ-4ኛ

አዲስ

120

170

ከመስከረም2-ሰኔ30/2005

5ኛ-6ኛ

››

140

190

7-8ኛ

››

150

200

9ኛ-10ኛ

››

300

320

11ኛ-12ኛ

››

300

395

ኬጂ1-ኬጂ3

››

150

 

 

ማሳሰቢያ፡- ለሁሉም ተማሪዎች መመዝገቢያ አይጨምርም

የመመዝገቢያ ጊዜ

የክፍል ደረጃ

የተመዝጋቢው ዓይነት

ክፍያ

ት/ት የሚሰጥበት ጊዜ

ለክረምት

ለመደበኛ

 

ለነባርና አዲስ የክረምት ተማሪዎች

ከሐምሌ 2-7/2004

ኬጂ1-ኬጂ3

ነባር

150

 

ከሓምሌ9-ነሐሴ21/2005

1ኛ-4ኛ

››

120

170

5ኛ-6ኛ

››

140

190

7-8ኛ

››

150

200

9ኛ-10ኛ

››

250

320

11ኛ-12ኛ

››

250

395

 

ለአዲስ ተማሪዎች

ከሐምሌ 15/2004 እስከ ነሐሴ 15/2004

1ኛ-4ኛ

አዲስ

120

170

ከመስከረም2-ሰኔ20/2005

5ኛ-6ኛ

››

140

190

7-8ኛ

››

150

200

9ኛ-10ኛ

››

300

320

11ኛ-12ኛ

››

300

395

ኬጂ1-ኬጂ3

››

150

 

banner

The Korean Ambassador’s visit the Holy Trinity Cathedral

በመ/ር ዘሩ ብርሃኔ

banner

The Ethio-south Korean relationship has a long history. It goes back to the 1950s. The Republic of Korea, after officially separated, from North Korea by the UN Resolution but the North Korean with the support of USSR, however needed to unify the two Koreans by force. This led to Korea war of 1950-1953. In the war, the communist Korea was assisted by USSR and China. The UN forces in which the Ethiopian Army was a major component supported the South. As the matter of interest, the Ethiopian contingent under the UN named as “Qagnew” regiment fought bravely on the side of The Republic of Korea and some of the solders sacrifice their life. Those patriots who had lost their life have rested here in The Holy Trinity Cathedral.

On June 3, 2012 the Republic of Korean Ambassador to Ethiopia Mr. Jong Geun Kim visited The Holy Trinity Cathedral where the patriots of the Korean war have rested. On his visit, the Ambassador was welcomed by his Excellency Leake Seltanat Abba Gebrselase Belay head of the Holy Trinity Cathedral and all staff members of the cathedral .Mr. Jong Geun Kim also donated 5,000 birr to the cathedral and promised to work with the cathedral in the future.

banner

የመንበረ ፀባዖት ቅድስት ሥላሴ ካቴድራል ዋና አስተዳዳሪ መልክት አስተላለፉ

በስመአብ ወወልድ ወመነፈስ ቅዱስ አሐዱ አምላክ፡፡

ትውልድ ሆይ የእግዚአብሔር ቃል ተመልከቱ ሰው መንፈሳዊ ምግቡ የእግዚአብሔር ቃል ሁል ጊዜ መመገብ አለበት፣

የመላእክት ምግብ ቃለ እግዚአብሔር ነው ፡፡ት.ኤር. 2-31

እኛም ሰዎች ምንም እንኳ ምድራውያን ብንሆንም ሰማያዊ የሆነውን የእግዚአብሔርን ቃል እንመገባለን፡፡ ሰው ለግዜው የዚህ ዓለም ቁሳዊ የሆነውን ብያምሮውና ብያባብለው ሄዶ ሄዶ ገነት መንግስተ ሰማያት በሚገባበት ሰዓት ገነት መንግስተ ሰማያት ሲገባ የሚመገበው ሰማያዊ የሆነውን ቃለ እግዚአብሔር ነው፡፡

banner

ቃለ እግዚአብሔር የሚያዘወትር ሰው ወይም የእግዚአብሔር ፍቅር ያለው ሰው ሃይማኖትን ይጠብቃል፡፡ ሃይማኖትን ጠብቆ አፅንቶ ይኖራል፡፡ ፈሪሃ እግዚአብሔር ያድርበታል፣ ፀጋ እግዚአብሔር ይበዛበታል፣ የሰው ፍቅር ይበዛለታል፣ የሃገሩና የሃይማኖቱ ቅርስና ታሪክ ይጠብቃል፣ ያስጠብቃል፣ እንዲህም ፀሎቶኛና ደግ ሰው ይሆናል፣ የቅዱሳን በረከት የድንግል ማርያም አማላጅነት ፍቅር ያበዛለታል፡፡

የእግዚአብሔር ቃል ፍፁም ንፁህ የጠራ ቃል ነውና እግዚአብሔር ለሙሴ ከወንድሞቻቸው መካከል እንደአንተ ያለ ነብዩ አስነስላችዋለሁ ቃሉንም በአፍ አደርጋለሁ፣ የአዘዝኩትንም ቃል ሁሉም ይነግራቸዋል፣ በስሜም የሚናገረውን ቃል የማይሰማውን ሰው እኔ እበቀልለታለው ብለዋል እግዚአብሔር በቃሉ ዘዳግም 18፡18 ስለዚህም በመጽሐፍ ቅዱስ የተፃፈው ሁሉም የእግዚአብሔር ቃል ብቻ ነው፡፡ ቃለ እግዚአብሔር ለህይወታችን ገንቢና ጠቃሚ ነው፡፡ የእግዚአብሔር ቃል ሁሉ ግዜ እንደሚነግረን ለቤተክርስትያናችን አስፈላጊ ነገሮች በማሟላት እንዲሁም በመንበረ ጽባዖት ቅድስት ሥላሴ ካቴድራል ያለው የቅርስና የታሪክ ማዳረሻ ወይም የሀይማኖታችን ታሪክ መለያ መጥታችሁ እንድትጐበኙ መልእክታችን ነው፡፡ እንዲሁም የካቴድራሉ አቅም የሚደግፍና የሚያግዝ የኢኮኖሚ እድገት የሚያመጣ እየተሰራ ያለው ልማት ፕሮጀክት አስተዋጽኦ እንድታደርጉ ሃይማኖታዊ ግዴታችሁ እንድትወጡ መልእክታችን ነው፡፡

የመንበረ ፀባዖት ቅድስት ሥላሴ ካቴድራል አስተዳዳሪ

ሊቀ ስልጣናት አባ ገ/ሥላሴ በላይ